طرز الكلام

طرز الكلام
القلم عطـــــــس
والدواية مـــــدادها
جال يرســـم حروف
مكفنــة برمـــــل
شاريـــه سفاح شيطاني
ريح هبت قاسية وشديدة
والقلم ما عارف كيف يداري
يعوم عريان في ضاية الكذوب
يتنشف ولبـــاس غــم
والدواية تبكي ع القلم
والهم سلاطــــــــة
على جميع الواح عــــــم
هذا حال يكابــــــــر
هـــــــاد الســــم
نتفـــوه وكشطو غطى ذات
وقالوا:
جمع دوايتك ونشف مدادك
حرق حروف
شتو رمادو
دفنوه في التلت الخــالي
القلم زيزن قطع لســـان
سطور الورقة توحشت كلام
ريح السفاح جلات حروف
ونشفت الدموع
من عيون الدواية
فيق الغافل فيق
الخبزة فطيرة وما فيها ملحة
وليتي ناقص الكلام
وكناشـــــــك خربة
فين مشات زريعة الكلام
واش قلمك ما بقى قاد يفلحها
السفاح ما يرحمك
ما يعذرك
ما يسولك
ويتهمك بسكاتك
يا راكب الريح الريح ما يتساك
مواج البحر سمحت فيه
يا ريت الغافل تتهجى القصة
وخ الكثيـــــــر فيه هم
فـــــها الصـــبر
والصبر في الكتوب الصفرة
توشــــــــــــــــم
أخر الكلام هزيت عيني في سايق الريح
لقيــــــــــــــت عريان
خذا حــــــق من التكشاط والهبال
عام فيه
سواد ظلام
رابت سوار
مساس كلام
طار نعاسو
بـــارك فـــــي الركنة يكمع
سولت شكـــــــون نــــت
غاب عليه الكلام
زيزن تقطع لسان
وطــــــــــــــرز الكلام
وردة بين الورود معـــــــــاني
يا سايق الريح جـــــــــاي يومك
نشوف حـــــــــــــــروفك
عريانة مشبحة في زنـــــــــــاقي